20-vjeçari hyri pa leje në resortin e Trump, Shërbimi Sekret: Ishte gati të qëllonte me pushkë! E urdhëruam t’i lëshonte

Detaje të reja janë zbuluar nga autoritetet e sigurisë në SHBA, rreth vrasjes së personit i cili hyri në perimetrin e sigurisë së rezidencës së Donald Trump.

Sherifi i Qarkut Palm Beach, Ric Bradshaw, deklaroi se i riu ngriti pushkën në pozicionin e qitjeje përpara se ata ta qëllonin, shkruan BBC.

Bradshaw thotë se kur sigurimi shkoi për të hetuar, gjetën një person që mbante një shishe benzine dhe një pushkë. Siguria e ka urdhëruar t’i lëshonte, e më pas ai ka hedhur shishen dhe ka ngritur pushkën në pozicion qitjeje.

Në atë pikë, agjentët e qëlluan me armë për të “neutralizuar kërcënimin”.

Zëdhënësi i FBI-së, Brett Skiles, tha se zona ku ndodhën të shtënat ishte nën mbrojtjen e Shërbimit Sekret dhe se FBI-ja po mbledh prova.

/vizionplus.tv