3 fermerë në televotim, kush largohet ditën e hënë

Dona, Visi, Gresa, të cilëve fati u ra që të ishin bashkë në grup fituan sfidën e radhës, duke çuar në televotim grupin tjetër që e humbi atë, Klodin, Malborën dhe Blerinën.

Për tre të fundit, do të jetë publiku ai që do të vendosë se kush do të largohet ditën e hënë.

Sfida që i çoi në televotim ishte me litar. Dy grupet u pozicionuan në anët e pishinës dhe do tërhiqnin litarin. Grupi që do rrëzohej dhe do humbiste litarin, humbiste edhe sfidën.

Pak para sfidës, Dona kërkoi largimin nga ferma, me argumentin se në sytë e publikut nuk po shfaqej aq sa duhej.

Por pas insistimit të fermerëve dhe  moderatores Arbana Osmani, Dona pranoi të qëndronte dhe të shkonte në sfidë.