77% e shqiptarëve, pro punëtorëve të huaj! Pakënaqësia ekonomike mbetet e lartë në Ballkan
Sondazhi “SecuriMeter 2025” i Këshillit Bashkëpunues Rajonal nxjerr në pah qëndrimet e qytetarëve të Ballkanit Perëndimor, lidhur me sigurinë, ekonominë dhe sfidat rajonale.
Një prej sfidave të këtij rajoni është edhe mungesa e krahut të punës për shkak të emigracionit të lartë tek të rinjtë.
Por qytetarët në 6 vendet e Rajonit kanë qëndrime të ndryshme ndaj lejimit të shtetasve të huaj për të punuar në ekonomitë e tyre.
Sipas të dhënave të anketës “Security Meter 2025”, mesatarisht 57% e të anketuarve në rajon e mbështesin këtë politikë, 33% janë kundër, ndërsa 10% nuk kanë një qëndrim për këto zhvillime.
Mbështetja më e lartë regjistrohet në Shqipëri, ku 77% e të anketuarve janë në favor të lejimit të punëtorëve të huaj. Më pas renditen Bosnjë dhe Hercegovina me 62% dhe Kosova me 61%.
Pranë mesatares rajonale është edhe Maqedonina e Veriut me 53% të qytetarëve që e mbështesin këtë qasje. Ndërkohë, qëndrimet janë dukshëm më të rezervuara në Serbi dhe Malin e Zi, ku përkatësisht 44% dhe 43% e të anketuarve janë në favor.
Mali i Zi është i vetmi vend i rajonit ku kundërshtarët janë më të shumtë se mbështetësit, pasi rreth 46% e qytetarëve malazezë shprehen kundër lejimit të punëtorëve të huaj.
Në rajon mbizotëron edhe pasiguri për ekonominë.
Rreth 45.5% e qytetarëve të 6 vendevë të rajonit, shprehen të pakënaqur me drejtimin ekonomik, ku shqetësimet rreth kostos së jetesës, punësimit dhe të ardhmes ekonomike mbeten faktorë kyç që ndikojnë në perceptimin e përgjithshëm të mirëqenies.
Shqiptarët mbeten të ndarë me drejtimin ekonomik ku rreth 44.7% shprehen të pakënaqur me mënyrën se po ecin gjërat ekonomikisht në vend, ndërsa vetëm rreth 31.8% shprehen të kënaqur.
MBESHTETJA PËR PUNËSIMIN E TË HUAJVE
Shqipëri 77%
Bosnjë Hecegovina 62%
Kosov렠 61%
Maqedoni e veriut 53%
Serbi 44%
Mali i Zi 43%
Mesatarja rajonale 57%