A do të na shpëtojë ChatGPT nga deepfake?

KALIFORNI, 19 korrik /ATSH/ – Deepfake është një teknikë e avancuar e inteligjencës artificiale që ju lejon të krijoni video dhe imazhe false, shpesh duke manipuluar fytyrat e njerëzve në një mënyrë jashtëzakonisht bindëse, shkruan focus.it.

Kjo teknologji ngre shqetësime në lidhje me aftësinë e saj për të përhapur informacione kompromentuese dhe të paverifikuara, duke minuar besimin e përdoruesve në imazhet dixhitale ose videot që hasen çdo ditë në mediat sociale dhe faqet e tjera të internetit.

Por, çfare ndodh nëse mjete si ChatGPT mund të përdoren për të ekspozuar këto përmbajtje mashtruese?

Kjo pyetje është bërë nga një ekip studiuesish nga Universiteti i Buffalo, në Shtetet e Bashkuara. Modelet gjuhësore, të njohura për gjenerimin e teksteve koherente dhe krijuese, mund të jenë çuditërisht çelësi për zbulimin e mediave të falsifikuara në ueb.

Analistët testuan chatbot të njohura si ChatGPT i OpenAI, Gemini i Google dhe Copilot i Microsoft për të zbuluar imazhe të krijuara artificialisht të fytyrave njerëzore.

Studimi zbuloi se, megjithëse performanca e këtyre modeleve nuk është ende në nivel me algoritmet më të avancuara për zbulimin e falsifikimit të thellë, forca e tyre qëndron në aftësinë e tyre për të shpjeguar vendimet në një mënyrë që është e qartë dhe e kuptueshme për njerëzit.

I trajnuar në bazat e të dhënave të mëdha të teksteve dhe imazheve, ChatGPT u rezultoi të ishte më efektivi nga të gjitha.

LLM-ja e parë dhe më e përhapur (Large Language Model), në fakt, jo vetëm kupton marrëdhëniet gjuhësore, por gjithashtu mund të analizojë vizualisht fotot në më shumë detaje sesa të tjerat.

Chatbot i OpenAI arriti saktësi 79.5% në nënvizimin e mospërputhjeve në imazhet e krijuara nga modele si StyleGAN dhe Latent Diffusion

Kjo ndodh sepse LLM-të nuk mund të kapin diferencat statistikore të padukshme për syrin e njeriut, të cilat shpesh zbulohen me procedura standarde. /os/