AH1N1, sot pergjigjet e 10 analizave
Sipas direktivave te Organizates Boterore te Shendetesise cdo jave duhet te ekzaminohen imtesisht dhjete kampione pacientesh, te cilet mendohet se mund te kene me shume komplikacione se rastet e tjera. Mes tyre ndodhen edhe kampionet e dy femijeve te cilet dyshohen te jene prekur nga AH1N1. Cdo jave nga i gjithe vendi, mjeket do te kryejne ekzaminime e do te shohin me kujdes rastet qe kane me shume komplikacione se te tjeret.
Nderkohe qe pas filtrimit te informacionit dhe verejtjes se situates Instituti i Shendetit Publik ben perzgjedhjen se cilet prej kampioneve kane nevoje per nje rikonfirmim specifik nga laboratoret e Rumanise apo Britanise se Madhe. Deri tani Instituti i Shendetit Publik ka analizuar mbi 90 raste te dyshuara nga gripi i derrit. Edhe sipas konfirmimit te dyte, asnjeri prej tyre nuk ka rezultuar te jete prekur nga AH1N1.
Cdo rast me simptome respiratore, me temperature te larte, qe prej kohesh ka veshtiresi frymemarrje, dhembje te forta trupi, qe mund te kete edhe diarre, me simptoma gripale, jane raste rutine, te zakonshme qe dergohen per ekzaminime. Te gjithe keta paciente ekzaminohen ne kohen kur specialistet e shendetit publik e perfshijne me termin “perkufizim i rastit”.
Sakaq, nje jave me pare Instituti i Shendetit Publik deklaroi zyrtarisht se pervec rasteve te tjera, do te jene plot 10 kampione ne jave qe do te dergohen per ekzaminime specifike. Kjo duke zbatuar nje nga direktivat e OBSH-se lidhur me marrjet e masave per gripin e derrave AH1N1.
Po ashtu edhe Ministria e Shendetesise ka leshuar urdhrin per marrjen e kampioneve te gjakut ne te gjithe vendin, per rastet qe identifikohen te “cuditshme” apo te dyshimta.
Pak dite me pare, ministrja e Shendetesise, Anila Godo, takoi nendrejtoreshen e OBSH-se per Europen, Nata Menabde.
Ne takim u diskutua kryesisht per gripin e derrave. Ministrja Godo sqaroi se vendi yne ka vendosur prioritete lidhur me kategorite qe do te vaksinohen te parat.
Organizata Boterore e Shendetesise te pakten dy here ne jave do te dergoje informacion te vazhdueshem lidhur me ceshtjen e gripit te derrit. Prane Ministrise se shendetesise, ne Drejtorine e Shendetit Publik, ne menyre zyrtare do te mberrije informacioni lidhur me te dhenat me te fundit per sa i takon influences AH1N1.
Keshilla, direktiva, te dhena te fundit, mesazhe dhe njoftime do te dergohen zyrtarisht ne adresen e Ministrise se Shendetesise.
Informacioni i Organizates Boterore te Shendetesise ka qene i pranishem hap pas hapi lidhur me gripin e derrave, qe nga evidentimi i influences e deri ne rastet e fundit te te prekurve.
Me shtimin e rasteve, me shpalljen e pandemise ne disa vende, edhe informacioni qe do te dergohet do te jete me i shpeshte dhe me intensiv me strukturat e shendetesise shqiptare.