Afganistan pese te vdekur ne dy sulme

Zyrtarët e Afganistanit thonë se një grua e punësuar në administratën lokale dhe katër rojtarë janë vrarë në dy incidente të ndara në qytetin jugor, Kandahar.

Zëdhënësi qeveritar provincial, Zalmai Ajoubi, tha se Radia Sadat u vra sot në mëngjes, ndërsa po largohej nga shtëpia e saj në pjesën qendrore të Kandaharit.

Askush nuk e ka marrë përgjegjësinë për këtë vrasje, por zëdhënësi Ajoubi i ka fajësuar “armiqtë e Afganistanit”, fjali që shpeshherë përdoret nga zyrtarët, e që u referohet kryengritësve.

Në incidentin tjetër, policia tha se nga tre sulmues vetëvrasës kundër një kompanie private të sigurisë, janë vrarë katër rojtarë afganë, ndërsa janë plagosur tetë të tjerë.