Afrika 2010, gure kunder kombetares algjeriane

Dy lojtare te kombetares algjeriane te futbollit kane mbetur te lenduar pasi jane sulmuar nga tifoze egjiptiane ne Kajro ku kombetarja algjeriane ka udhetuar per t’u ndeshur diten e shtune ne takimin e pare te play off-it per Boterorin Afrika 2010.

Sipas autoriteteve rreth 200 tifoze vendas kane sulmuar me gure autobuzin e kombetares algjeriane gjate mberritjes se tij ne hotelin e parashikuar per akomodimin e tyre.

Perfaqesues te kombetares algjeriane njoftojne se nga sulmi kane mbetur te plagosur lehte 2 lojtare qe nuk rrezikojne te mos luajne diten e shtune, ku do te luhet edhe ndeshja e pare ciftit te ndeshjeve qe siguron nje bilete per ne Afrika 2010.