Aksident në aksin Fier-Seman, plagoset shoferja 27-vjeçare

Një aksident është regjistruar këtë të diel në aksin rrugor Fier–Seman, në vendin e quajtur “Kthesa e Afrimit të Ri”.

Sipas burimeve zyrtare nga Drejtoria Vendore e Policisë Fier, një automjet që drejtohej nga Zaide Deda, 27 vjeçe, ka dalë nga rruga.

Si pasojë e aksidentit, drejtuesja e mjetit ka mbetur e plagosur dhe është transportuar me urgjencë drejt Spitalit Rajonal të Fierit.

Në vendngjarje kanë shkuar shërbimet e Policisë Rrugore, të cilat kanë marrë masa për normalizimin dhe menaxhimin e qarkullimit të automjeteve.

Ndërkohë, grupi hetimor po punon për dokumentimin e ngjarjes dhe përcaktimin e shkaqeve dhe rrethanave në të cilat ka ndodhur aksidenti.

/vizionplus.tv