Aksident në aksin Shëngjin-Velipojë, dy të plagosur, procedohet 23-vjeçarja
Lezhë – Një aksident është regjistruar në aksin ‘Shëngjin-Velipojë’, ku një automjet që drejtohej nga një 23-vjeçare ka dalë nga rruga.
Për pasojë, drejtuesja dhe pasagjerja kanë marrë lëndime dhe janë jashtë rrezikut për jetën. Ndërkohë drejtuesja e automjetit është proceduar penalisht.
“Specialistët e Seksionit të Qarkullimit Rrugor referuan materialet në Prokurori ku nisi procedimi penal për shtetasen 23 vjeçe, banuese në Shkodër, pasi në aksin rrugor “Shëngjin-Velipojë”, duke drejtuar automjetin, ka humbur kontrollin dhe si pasojë automjeti ka dalë nga rruga. Nga aksidenti janë dëmtuar drejtuesja e automjetit dhe pasagjerja, të cilat janë jashtë rrezikut për jetën”, thuhet në njoftimin e policisë.
/abcnews.al/