Aksident në aksin nacional Peshkopi – Tiranë, nënë e bir nisen me urgjencë drejt Traumës

Një aksident rrugor ka ndodhur pasditen e sotme në aksin nacional Peshkopi–Tiranë, në fshatin Melan të Dibrës.

Si pasojë e përplasjes, kanë mbetur të plagosur dy persona, nënë e bir, të cilët janë transportuar me urgjencë drejt Spitalit të Traumës në Tiranë për të marrë ndihmën e nevojshme mjekësore.

Në vendngjarje ka mbërritur policia, e cila ka nisur verifikimet për të zbardhur rrethanat dhe shkaqet e aksidentit.