Aksident tragjik në aksin Fier-Vlorë, humb jetën 62-vjeçari, një tjetër në gjendje të rëndë

Një aksident me pasoja fatale u regjistrua pasditen e sotme në aksin rrugor Fier–Vlorë, pranë zonës së njohur si “Kripa”.

Sipas informacioneve paraprake, një automjet tip “Dacia” me targa të huaja, i drejtuar nga një shtetase italiane 28-vjeçare, A.T., është përplasur me një kamionçinë që drejtohej nga shtetasi shqiptar F.H., 62 vjeç.

Si pasojë e përplasjes së fortë, kamionçina ka devijuar nga rruga dhe është përplasur me barrierat mbrojtëse.

Drejtuesi i kamionçinës ka ndërruar jetë në vend, ndërsa pasagjeri që ndodhej me të, shtetasi A.M., është transportuar me urgjencë në spital, ku po merr ndihmën e nevojshme mjekësore dhe ndodhet në gjendje të rëndë.

Policia ka shoqëruar drejtuesen e automjetit në Komisariat, ndërkohë që zjarrfikësit kanë nxjerrë trupin e pa jetë të drejtuesit të kamionçinës.

Grupi hetimor ndodhet në vendngjarje dhe po punon për zbardhjen e plotë të dinamikës dhe shkaqeve të aksidentit.

/rtsh.al/