Aksidenti në Golem, humb jetën 17-vjeçari
Shkodër– Një aksident tragjik është regjistruar këtë të mërkurë, rreth orës 14:20 në fshatin Golem.
Një automjet është përplasur me një motomjet me dy persona. Si pasojë e përplasjes, një 17-vjeçar ka humbur jetën, ndërsa një 28-vjeçar është plagosur dhe po merr mjekim në Spitalin Rajonal të Shkodrës.
Drejtuesi i automjetit është shoqëruar në polici.
“Rreth orës 14:20, në fshatin Golem, automjeti me drejtues shtetasin A. M., 50 vjeç, dyshohet se është përplasur me një motomjet me të cilin qarkullonin 2 shtetas.
Si pasojë, njëri prej tyre, 17 vjeç, ka humbur jetën, ndërsa tjetri, shtetasi E. N., 28 vjeç, po merr mjekim në Spitalin Rajonal Shkodër.
Drejtuesi i automjetit është shoqëruar në ambientet e Policisë, për veprime të mëtejshme procedurale.
Grupi hetimor po kryen veprimet për përcaktimin e rrethanave dhe të shkaqeve të aksidentit”, njofton policia.
/vizionplus.tv