Aksioni opozitar “paralizon” punët e kuvendit, anulohet Komisioni i Jashtëm dhe ai i Shëndetësisë

Deputetët e opozitës kanë pamundësuar mbajtjen e komisioneve parlamentare këtë të hënë në ambientet e Kryesisë së Kuvendit. Komisioni i Jashtëm dhe ai i Shëndetësisë njofohet të jenë anuluar, vetëm disa momente pas ndërprerjes së Komisionit të Ligjeve.

Deputetët e përjashtuar të PD u futën në ambientet e Kryesisë së Kuvendit nga dritarja, pasi kaluan kangjellat. Ndërhyrja e Gardës nuk mundi të ‘frenonte’ aksionin e opozitës për tu futur me çdo kusht në Kryesinë e Kuvendit. Ata e konsiderojnë si të paligjshëm përjashtimin e tyre nga Kuvendi.