Al Zawahri homazhe figures se Bin Laden
Lideri i Al Kaedës, Ayman al Zawahri ka shpërndarë një video ku i bën homazhe figurës së Osama bin Laden. Lajmin e bën të ditur televizioni pakistanez “Express”.
Në mesazh kreu i ri i organizatës terroriste e cilëson Bin Laden si një njeri “shembullor” për nderin dhe dinjitetin e tij.
Në videon që zgjat gjysmë ore, i titulluar “Ditët me imamin”, pjesa e parë, Al Zawahri e përshkruan themeluesin e Al Kaedës si një person fisnik, bujar dhe i mirë.
“Kam pasur nderin të jem në shoqërinë e tij për periudha të gjata, në udhëtime dhe në rrethana të tjerë”, spjegon Al Zawahri.
Ai u njoh me Osama Bin Laden në Pakistan, nga mesi i viteve ’80, kur të dy mbështesnin luftën kundër forcave sovietike në Afganistan.
“Sheiku do të ndihej shumë i trishtuar nëse vëllezërit e tij do të mposhteshin në rrugën e gjatë të xhihadit, ose nëse nuk do të arrinin objektivat e tyre legjitimë”, rrëfen Al Zawahri.
“Ai njeri ishte shumë besnik ndaj vëllezërve të tij dhe e kishte për zakon të kujtonte virtytet e tyre”, shprehet më tej krahu i djathtë i kryeterroristit, që ka qenë edhe truri i strategjisë së Al Kaedës.
“Bin Laden e kishte për zakon të kujtonte 19 personat që sulmuan idhullin e kohëve të sotme, Amerikën. Pentagonin, që është selia që drejton ushtrinë e saj, dhe Nju Jorkun, simbol i fuqisë së saj ekonomike”, shton ai.
Al Zawahri e mbyll fajlimin e tij duke thënë se kjo video, që nuk dihet se kur është regjistruar, do të pasohet nga video të tjera mbi Bin Laden.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Qeveria, borxhlie e keqe
Detyrimet ndaj biznesit kanë arritur sa 0.7 % e PBB-së
Pakti politik, miratohet Kodi Rrugor tek Ligjet
Misteri i vetëvrasjes së "shenjtores" Eleonorë
Fullani në krye të Bankës së Shqipërisë
LSI: Reforma, gjithëpërfshirëse