Altintop, afër Real Madridit

Transferimi i mesfushorit turk, Hamit Altintop nga Bayern Munich në Real Madrid pritet të kompletohet të hënën, kanë njoftuar të përditshmet sportive Marca dhe AS të shtunën. Altintop do të vjen si futbollist i lirë pasi kontrata e tij me gjigantin bavarez skadon në fund të sezonit. Ardhja e 28 vjeçarit Altintop përcjell atë të bashkëlojtarit të tij të Turqisë, Nuri Sahin, i cili javën e kaluar kompletoi transferimin në Real nga kampioni i ri i Bundesligës, Borussia Dortmund, për 10 milionë euro.