Ambasada indiane do të kthehet në Ukrainë

Ambasada indiane në Ukrainë do të kthehet në kryeqytetin Kiev, raporton CNN.

“Me kënaqësi njoftoj kthimin e Ambasadës së Indisë në Kiev së shpejti. Ambasada do të rifillojë funksionimin e saj në Kiev me efekt nga 17 maj 2022, ” thuhet në një postim në Twitter nga ambasada.

Ambasada u zhvendos përkohësisht në Varshavë, Poloni, më 13 mars mes një përshkallëzimi të dhunës pranë kryeqytetit ukrainas gjatë pushtimit rus.

/rtsh.al./