Ambulancat në selinë e PD, Këlliçi: Policia hodhi dy bombola gazi lotsjellës pa shkak
Dy ambulanca janë futur në oborrin e Partisë Demokratike, pasi persona brenda selisë janë ndjerë keq.
Nënkryetari i PD-së, Belind Këlliçi tha se janë hedhur bombola gazi në selinë e PD-së nga policia, pa pasur asnjë incident.
“Në selinë e Partisë Demokratike janë hedhur bombola gazi nga ana e policisë. Nuk ka pasur asnjë incident dhe kjo ngjarje ka ndodhur në kushtet kur nuk ka pasur kurrfarë provokimi”, u shpreh ai.