Apelimi ne Tatime bashke me kamatevonesat
Edhe pse kanë kaluar më shumë se tre vjet nga miratimi i ligjit “Për proçedurat tatimore”, çështja e parapagesës së detyrimeve para se biznesi ta apelojë në Drejtorinë e Tatimeve, sërish has në keqkuptime e kontradikta, që kërkojnë interpretim juridik.
Për t’i dhënë një herë e mirë përgjigje rasteve që lidhen me procesin e ankimimit të vlerësimit tatimor për detyrimet e papaguara, Gjykata e Lartë (Kolegji i Bashkuar), ka marrë në muajin maj vendimin, i zbardhur dje në Fletoren Zyrtare, mbi rastin e ankesës të paraqitur nga një subjekt privat në fushën e karburanteve.
Gazeta “Shqip” shkruan se, çështja ka të bëjë me një vlerësim tatimor, të cilin subjekti e paguan dhe më pas e ankimon në drejtorinë e apelimeve në Tatime, por i refuzohet e drejta për shkak se nuk ka paguar edhe kamatëvonesat.
Çështja shkon në Gjykatën e Shkallës së Parë, e cila e rrëzon padinë e subjektit, për të vijuar më pas në Gjykatën e Lartë.
Pas vlerësimeve të shumta ligjore, Gjykata vlerëson se pagesa e detyrimit para se subjekti të bëjë ankesën përfshin edhe kamatëvonesën.
Ky vendim unifikues, që vlen edhe për rastet e njëjta, erdhi pas kërkesës për interpretim nga Kolegji Civil i Gjykatës së Lartë, më 25 janar 2011 drejtuar Kolegjit të Bashkuar, lidhur me përgjigjet e pyetjeve:
A janë kamatëvonesat pjesë e detyrimit tatimor, në kuptim të pikës 1, të nenit 107 të ligjit “Për procedurat tatimore”?
Nëse kamatëvonesat janë pjesë e detyrimit tatimor, duhet të jenë të përcaktuara në njoftimin e vlerësimit të administratës tatimore, apo tatimpaguesi duhet t’i llogarisë vetë ato dhe t’i paguajë, pavarësisht nëse njoftim-vlerësimi tatimor i përmban si detyrim apo jo?
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Arvizu në “Fiks Fare”: Të kufizohet imuniteti
Ambasadori, batuta pikante për Ramën e Berishën
Topi çon kuvendin në Kushtetuese
Akuzat ndaj Pollos, ILDKP nis hetimin
Amnesty: Spitalet siriane, qendra torturash
Pejë, dy fëmijë humbin jetën nga zjarri