Apolonia – Flamurtari, pragndeshjaApolonia nuk ka humbur asnjë pikë në katër përballjet shtëpiake

Rrjetet sociale:

Apolonia dhe Flamurtari do të përballen në takimin e vlefshëm për javën e 9-të të Kategorisë Superiore. “Zonjusha” fierake e drejtuar nga Esad Karishik renditet në vendin e 3-të me 16 pikë në 8 ndeshje, ndërkohë që Flamurtari i Gugash Maganit në vendin e fundit (12) me 9 pikë më pak, 7.

Apolonia, që ka shfaqur në këtë fillimsezoni një profil të qartë prej pretendenteje për një vend në kompeticionet evropiane nuk ka humbur asnjë pikë në katër përballjet shtëpiake: katër ndeshje, katër fitore. Flamurtari nga ana e tij ka marrë vetëm 3 pikë nga 12 të mundshmet në transfertë.

Apolonia është skuadra me sulmin më të mirë në këto javë: 13 gola, kundrejt 6 golave të shënuar nga Flamurtari. 

Në javën e 8-të, Apolonia barazoi me Besën (0-0) në transfertë, ndërsa Flamurtari barazoi në shtëpi 1-1 me Shkumbinin. Trajneri Gugash Magani nuk do të ketë në dispozicion gjashtë lojtarët e pezulluar nga klubi, përfshirë dhe kapitenin Halim Begaj.

Fitorja e fundit e Apolonisë me Flamurtarin është ajo 2-0, më 31 janar 2009, nderkohë që bilanci historik flet për Flamurtarin, 30 fitore në 65 ndeshje të luajtura midis tyre.  

APOLONIA
Ndeshjet brenda: 4 ndeshje; 4 fitore, 0 barazim, 0 humbje

FLAMURTARI
Ndeshjet jashtë: 4 ndeshje; 1 fitore, 0 barazim, 3 humbje.