Argjentina bllokade anijeve britanike
Sindikata e punëtorëve të transportit në Argjentinë, e cila përfshin edhe punonjësit e porteve, lajmëroi se nuk do të lejojë asnjë mjet lundrues që mban flamurin e Britanisë që të ankorohet në portet e vendit.
Ndonëse një bllokadë jozyrtare, ajo nuk është kundërshtuar nga Buenos Airesi, duke thelluar kështu hendekun në marrëdhëniet gjithmonë të ndërlikuara anglo-argjentinase, për shkak të mosmarrëveshjes rreth sovranitit të ishujve Falklands.
Më parë gjatë janarit, Argjentina u mbështet nga Brazili, Kili dhe Uruguai, në ndalimin e hyrjes në porte të të gjitha anijeve që mbanin flamurin e ishujve, të njohur në spanjisht si Malvinas.
Përkeqësimi i vazhdueshëm i marrëdhënieve midis dy shteteve detyroi Londrën që të dërgonte në fillim të shkurtit një kryqëzor të rëndë, shoqëruar nga Princi William, në territorin e debatuar.
Buenos Airesi zyrtar dërgoi një notë proteste ndaj “militarizimit të kufinjve të tij”, duke qenë se ishujt ndodhen pranë brigjeve, por Anglia u përgjigj se është e drejta e saj të fortifikojë sipas dëshirës territoret e saj, në bazë të parimit ndërkombëtar të sovranitetit.
Presidentja Cristina Fernandez de Kirchner ka kërcënuar me kërkesën për të diskutuar përkatësinë e ishujve në Organizatën e Kombeve të Bashkuara, ndonëse Britania atje zotëron të drejtën e vetos dhe mundësinë që të rrëzojë e vetme çdo nismë.
Përshkallëzimi i tensioneve vjen në 30 vjetorin e Luftës së Falklands. Në vitin 1982, një regjim ushtarak argjentinas pushtoi ishujt, por qeveria e Margaret Thatcher reagoi ashpër, duke ripushtuar territorin, në një luftë që i kushtoi jetën rreth një mijë ushtarëve dhe civilëve së bashku.
Kryetari i Organizatës së Kombeve të Bashkuara, Ban ki-Moon, i adresoi gjatë javës së shkuar një thirrje të dy vendeve, që të kontrollojnë tensionet nëpërmjet dialogut diplomatik.
Ndonëse një bllokadë jozyrtare, ajo nuk është kundërshtuar nga Buenos Airesi, duke thelluar kështu hendekun në marrëdhëniet gjithmonë të ndërlikuara anglo-argjentinase, për shkak të mosmarrëveshjes rreth sovranitit të ishujve Falklands.
Më parë gjatë janarit, Argjentina u mbështet nga Brazili, Kili dhe Uruguai, në ndalimin e hyrjes në porte të të gjitha anijeve që mbanin flamurin e ishujve, të njohur në spanjisht si Malvinas.
Përkeqësimi i vazhdueshëm i marrëdhënieve midis dy shteteve detyroi Londrën që të dërgonte në fillim të shkurtit një kryqëzor të rëndë, shoqëruar nga Princi William, në territorin e debatuar.
Buenos Airesi zyrtar dërgoi një notë proteste ndaj “militarizimit të kufinjve të tij”, duke qenë se ishujt ndodhen pranë brigjeve, por Anglia u përgjigj se është e drejta e saj të fortifikojë sipas dëshirës territoret e saj, në bazë të parimit ndërkombëtar të sovranitetit.
Presidentja Cristina Fernandez de Kirchner ka kërcënuar me kërkesën për të diskutuar përkatësinë e ishujve në Organizatën e Kombeve të Bashkuara, ndonëse Britania atje zotëron të drejtën e vetos dhe mundësinë që të rrëzojë e vetme çdo nismë.
Përshkallëzimi i tensioneve vjen në 30 vjetorin e Luftës së Falklands. Në vitin 1982, një regjim ushtarak argjentinas pushtoi ishujt, por qeveria e Margaret Thatcher reagoi ashpër, duke ripushtuar territorin, në një luftë që i kushtoi jetën rreth një mijë ushtarëve dhe civilëve së bashku.
Kryetari i Organizatës së Kombeve të Bashkuara, Ban ki-Moon, i adresoi gjatë javës së shkuar një thirrje të dy vendeve, që të kontrollojnë tensionet nëpërmjet dialogut diplomatik.