Arrestimi i Agasit, reagon Berisha: A është i vërtetë, apo dorëzim me kusht?

Lidhur me arrestimin e biznesmenit Ergys Agasi, ka reaguar edhe kryedemokrati Sali Berisha.

Përmes një postimi në Facebook, Berisha thekson se sot është arrestuar “padrino” i krimit. Sipas tij arrestimi i Agasit dhe Shpatarakut është për tu përshëndetur, megjithatë ngrihen disa pikëpyetje.

Berisha ngre pyetjen nëse ky është arrestim i vërtetë apo dorëzim me kusht?

Postimi i Berishës:

Arrestohet Ergys Agasi, koordinatori i Padrinos me krimin

Të nderuar miq,

Arrestimi i Ergys Agasit afër vilës së tij, në shoqërinë e ushtarit famëkeq të karteleve Uljan Shpataraku, ndonëse është një akt për t’u përshëndetur, ngre një sërë pikëpyetjesh:

Së pari, a ishte ky një arrestim i vërtetë apo një dorëzim me kushte? Kjo pyetje lind sepse ai çdo natë ka fjetur kryesisht aty në shtëpinë e tij (dhe sipas rastit në Manzë), e përsëri askush nuk kujtohej se ai ishte në kërkim.

Së dyti, a është ky një akt i Lubisë për të futur në qerthull jo vetëm Ramën (të cilin e ka), por edhe Lindën, patronazhisten e AKSHI-t (cherchez la femme e frengut)?

Ergys Agasi, si koordinator i plotfuqishëm i Edi Ramës, Padrinos së Shqipërisë me organizatat kriminale dhe kartelet shqiptare të drogës, si dhe me kontrollin e tij mbi ministritë, AKSHI-n, SHISH-in dhe policinë, është padyshim një nga mafiozët më të rrezikshëm jo vetëm në Shqipëri e rajon, por edhe më gjerë. Procesi i tij gjyqësor kërkon nevojë urgjente për monitorim ndërkombëtar