Arrestimi i Gëzim Çelës në Kosovë, reagon Taulant Balla: Pandëshkueshmëria ndaj atyre që i fshihen drejtësisë do të marrë fund
Ministri i Brendshëm Taulant Balla, ka reaguar pas arrestimit të baronit të Fushë Kuqes, Gëzim Çela, gjatë një aksioni të policisë në Kosovë.
Përmes reagimit në Facebook, Balla shkruan se pandëshkueshmëria do të marrë fund, ndërsa ka përgëzuar policinë për aksionin.
Postimi i Ballës:
Forca e ligjit do të godasë mbi këdo dhe pandërshkueshmëria do të marrë fund ndaj kujtdo që kujton se do të vazhdojë t’i fshihet drejtësisë. Përgëzoj Policinë e Shtetit, e cila në bashkëpunim me një agjenci të rëndësishme partnere dhe me strukturat ligjzbatuese të Republikës së Kosovës kanë bërë të mundur arrestimin e shtetasit Gëzim Çela, një person i dënuar dhe i kërkuar prej shumë kohësh nga drejtësia në Shqipëri.
/Vizionplus.tv/