Arsenali i përgjigjet Sitit me tre gola, bllokohet Mançester

Triumf për Arsenalin, i cili iu kundërpërgjigj Manchester Cityt duke mposhtur Fulhamin 3-0. Pjesa e parë është një dominim i vërtetë i Gunners. Në minutën e 16-të, pas një loje të mirë të dyshes Xhaka-Martinelli, vjen goli i Robinson, por VAR anulloi gjithçka për një pozicion jashtë loje. Por goli nuk vonon dhe në minutën e 21-të është Magalhaes që shënon golin e parë. Pesë minuta më vonë është Martinelli që dyfishon, ndërsa Odegaard kompleton treshen në fundin e pjesës së parë. Pjesa e dytë nuk kishte më histori dhe Arteta mundi Fulhamin 3-0 dhe festoi fitoren e 100-të në stolin e Topçinjve, gjithnjë e më shumë i pari me 66 pikë. Fulham është ende në garë për Evropën, duke mbetur në 39 pikë.

Barazimi i hidhur për Manchester United kundër Southampton, përfundon 0-0. Skuadra e Ten Hag i afrohet mirë ndeshjes, por ‘Shenjtorët’ qëndrojnë në këmbë. Në minutën e 34-të ndeshja u bë edhe më e komplikuar për United: një ndërhyrje e rëndë nga Casemiro, i cili, pas rishikimit të Var, u përjashtua. Pjesa e parë u mbyll me protestat e vendasve për dy penallti të supozuara të mos akorduara nga arbitri. Skenari nuk ndryshon në pjesën e dytë, përkundrazi: Ëard-Proëse, gjithmonë shumë i rrezikshëm. United u përpoq, i shtyrë dhe nga tifozët, por Bruno Fernandes u ndal nga shtylla. Në fund, Ten Hag fiton vetëm një pikë dhe ngrihet në 50, +2 ndaj Tottenham, i katërti në renditje.