Arvizu takon Bashen

Ambasadori amerikan në Tiranë, Alexander Arvizu u takua në mbrëmje me kryetarin e Bashkisë së kryeqytetit, Lulzim Basha.

Takimi nuk u realizua as në zyrat e bashkisë dhe as në selinë e Ambasadës Amerikane por në një lokal në katin e dytë të një pallati, larg syve të kureshtarëve në bllok. Besohet se zoti Arvizu dhe zoti Basha biseduan për vizitën e kryetarit të bashkisë në Uashington dhe Nju Jork, si dhe për cështje të tjera të aktualitetit.

Pak para nisjes për në Shtetet e Bashkuara zoti Arvizu bisedoi me zotin Basha në zyrën e këtij të fundit.