Asfiksohen nga gazi në dhomën e hotelit në Maliq, dy turistë nisen në spital, njëri prej tyre humb jetën

Një 55 vjeçar ka gjetur vdekjen në një hotel në periferi të qytetit të Maliqit. Sipas policisë, 55 vjeçari emri i të cilit nuk bëhet me dije ka kaluar natën në këtë hotel.

Mëngjesin e sotëm kanë qenë punojësit e hotelit ata që kanë kuptuar se në hotel ka patur rrjedhje gazi ndaj e për këtë punojësit e shërbimit zjarrfikës kanë hyrë në dhomën ku qëndronte 55 vjeçari, së bashku me një grua.

Gjendja e tij ka qenë e rënduar dhe ka gjetur vdekjen ndërkohë që gruaja e cila shoqëronte 55 vjeçarin ndodhet në spitalin e Korçës në gjendje më të stabilizuar jashtë rrezikut për jetën. Policia po heton për shkaqet e kësaj ngjarje.

Njoftimi i policisë

Maliq/Informacion paraprak

Mëngjesin e sotëm, në një hotel në qytetin e Maliqit, dyshohet se për shkak të rrjedhjes të gazit nga bombola për ngrohjen e dhomës ku ishin akomoduar, janë asfiksuar shtetasi B. T., 56 vjeç dhe shtetasja E. N., 49 vjeçe, banues në Tiranë. Të dy shtetasit u dërguan për ndihmë mjekësore, në spitalin e Korçës, ku 56-vjeçari ka humbur jetën, ndërsa shtetasja E. N. ndodhet jashtë rrezikut për jetën.

Grupi hetimor po punon për sqarimin e rrethanave të ngjarjes.