Atentatet ndaj liderëve/ Fidel Castro dhe Ahmet Zogu në krye, Trump i fundit
Pavarësisht bujës së madhe për tre atentatet e ndodhura brenda dy viteve, Donald Trump mbetet lideri me numrin më të ulët të tentativave për vrasje, krahasuar me figurat historike.
Listën e kryeson Fidel Castro, me mbi 630 komplote të dokumentuara, që përfshinin nga purot me helm deri te guaskat shpërthyese.
I dyti në këtë renditje botërore është Mbreti Ahmet Zogu, i cili mbijetoi në 55 tentativa të dokumentuara.
Ai mbetet lideri i parë në histori që iu ktheu zjarrin atentatorëve me pistoletën e tij, gjatë sulmit në Operën e Vjenës në vitin 1931.
Pas tyre vjen Adolf Hitleri, i cili u shpëtoi 42 komploteve, ku më i famshmi ishte ai i valixhes me eksploziv në korrik të vitit 1944.
Charles de Gaulle i Francës u mbijetoi 31 sulmeve, përfshirë breshërinë prej 187 plumbash mbi makinën e tij presidenciale.
Lista vijon me Yaser Arafatin, i cili iu shpëtoi 13 tentativave dhe diktatorin libian Muammar Gadaffi me 5 raste.
Në historinë amerikane, Abraham Lincoln u përball me 5 tentativa përpara vrasjes së tij, ndërsa Stalini dhe Benito Musollini mbyllin listën me nga 4 atentate secili.
Ngjarja e fundit në Uashington ndaj Trump konfirmon se dhuna politike mbetet një kërcënim i vazhdueshëm, por historia tregon se liderët e tjerë kanë pasur një rrugëtim shumë më të përgjakshëm drejt mbijetesës.
Fidel Castro 638 atentate
Ahmet Zogu 55
Adolf Hitler 42
Charles de Gaulle 31
Yasser Arafat 13
Muammar Gaddafi 5
Abraham Lincoln 5
Josef Stalin 4
Benito Mussolini 4
Donald Trump 3