Australian Open: Djokovic kualifikohet në gjysmëfinale

Vazhdon rrugëtimi i Novak Djokovic në turneun e tij të preferuar, pasi serbi bëhet gjysmëfinalisti i parë i këtij edicioni të Australian Open. Numri një në renditjen botërore të tenisit ka mposhtur në çerekfinale me rezultatin 3-1 amerikanin Fritz dhe kualifikohet për herë të 11-të në karrierë mes katër më të mirëve të turneut australian.

Djokovic vuan në setin e parë, të cilin e fiton me rezultatin 7-6 (me Tie Break 7-3), Fritz reagon dhe fiton serit e dytë me rezultatin 6-4. Më pas Nole fillon të dominojë kundërshtarin dhe fiton lehtësisht dy setet e radhës 6-2 dhe 6-3.

Djokovic fiton ndeshjen e 36-të radhazi në Australian Open dhe pret fituesin e takimit Sinner-Rublev, për të mësuar emrin e kundërshtarit në gjysmëfinale.