Autopsia Aliko vdiq ne maternitet per faj te mjekeve
Artan Koci
Fatbardha Aliko nena e dy femijeve e cila humbi jeten dy dite me pare ne maternitetin e Korces ka vdekur nga mjekimi i pakujdesshem. Ky eshte konkluzioni qe ka nxjerre policia e Korces nje dite me pare ne lidhje me vdekjen e 49-vjecares pasi trupi i saj iu nenshtrua ekspertizes mjekoligjore. Nje gje e tille eshte konfirmuar dje nga burime zyrtare te policise se ketij qyteti sipas te cilave trupi i Alikos iu nenshtrua autopsise ne prani edhe te mjekeve nga Tirana per te percaktuar shkakun e vdekjes pasi familjaret akuzonin mjeket per pakujdesi. Sipas tyre Fatbardha nuk kishte pasur komplikacione pas operacionit. Nderkohe nga ana e saj policia informon se ka nisur procedim penal ndaj stafit mjekesor qe kane kryer operacionin e gruas. Permes nje njoftimi per shtyp Drejtoria e Policise se Qarkut Korce beri te ditur se per mjeket e maternitetit ka nisur procedimin penal ne baze te dyshimeve per mjekim te pakujdesshem. Dyshohet se viktimes i jane perhapur metastaza pas operacionit nderkohe qe ende nuk ka nje pergjigje shkresore te raportit mjekoligjor.
Sipas te dhenave Prokuroria e Rrethit Korce nisi hetimet nen akuzen per mjekim te pakujdesshem ndaj te gjithe stafit qe ka asistuar ne operimin e viktimes dhe ne trajtimin e saj mjekesor gjate diteve te qendrimit ne maternitet.
Nderkohe eksperte te mjekesise ligjore nga Tirana asistuan ne autopsine e 49-vjecares duke marre kampione per percaktimin e sakte te shkakut te vdekjes permes analizave laboratorike. Nga hetimet paraprake ka dyshime per mjekim te pakujdesshem dhe ka nisur marrja ne pyetje e mjekeve qe kane kryer operacionin dhe stafit mjekesor.
Vdekja e 49-vjecares Fatbardha Aliko ndodhi mesditen e se shtunes ne maternitetin e qytetit te Korces. Humbja e jetes eshte konstatuar vetem ne momentin qe trupi i pajete i saj eshte gjetur ne tualetin e maternitetit ku gjendej e shtruar prej 10 ditesh per shkak te nje operacioni ne miter. Qe ne fillim familjaret e se ndjeres hodhen dyshimet e para se vdekja ishte shkaktuar per shkak te pakujdesise se personelit mjekesor. Per kete familjaret e saj regjistruan nje kallezim penal duke investuar policine dhe prokurorine ne hetime. Pas reagimit te familjareve te 49-vjecares policia ka nisur hetimet dhe ka terhequr kartelen mjekesor te Alikos. Nga grupi hetimor jane marre ne pyetje personeli mjekesor qe gjendej ne pune gjate kohes qe ndodhi ngjarja si dhe mjeket qe kane kryer operacionin. Sipas familjareve 49-vjecarja nuk ka shfaqur asnje lloj shqetesimi apo nderlikimi shendetesor gjate ketyre diteve.