Avionët ushtarakë amerikanë sulmojnë në Siri

Avionët ushtarakë amerikanë, me urdhër të presidentit Joe Biden, sulmuan grupet e militantëve të mbështetur nga Irani në Siri.

Nderhyrja u be pasi keto grupe kishin sulmuar trupat amerikane në vend dhe në Irak pas sulmeve të 7 tetorit në Izrael.

Lajmi u konfirmua nga Pentagoni.

Nderkohe, ushtria izraelite, me tanke dhe ushtarë dhe mbështetje të forcave ajrore, ka hyrë sërish në Rripin e Gazës për bastisje të kufizuara.

Këtë e ka bërë të ditur zëdhënësi ushtarak, sipas të cilit janë goditur operativët dhe pozicionet e Hamasit. 

Bastisja preku zonën Shujaiyya, një periferi e qytetit të Gazës shumë përtej kufirit. Menjëherë pas kësaj, ushtria doli nga Rripi pa humbje.