BAKU – Rusia dhe Azerbajxhani thellojnë lidhjet mes ndryshimit të aleancave të Kaukazit

BAKU, 19 gusht /ATSH-DPA/- Rusia dhe Azerbajxhani kanë rënë dakord të forcojnë bashkëpunimin e tyre gjatë një takimi sot në Baku midis presidentëve Vladimir Putin dhe Ilham Aliyev.

Pas bisedimeve, Putin tha se udhëheqësit diskutuan nismat e përbashkëta, duke përfshirë ndërtimin e cisternave të vogla të projektuara për të transportuar naftë nga rajonet e Kaspikut dhe Detit të Zi në Mesdhe.

“Jemi shumë të kënaqur me nivelin e bashkëpunimit mes vendeve tona”, i tha Aliyev Putinit.

Vizita shtetërore dyditore e Putinit shënon një ndryshim në aleancat në rajonin politikisht të paqëndrueshëm të Kaukazit.

Azerbajxhani, një republikë e pasur me naftë në Detin Kaspik, është një furnizues i rëndësishëm i energjisë për Bashkimin Evropian. Vendi ka ndjekur më parë një politikë kryesisht të pavarur nga Moska.

Rusia, tradicionalisht mbrojtësja e Armenisë në Kaukaz, e ka parë Armeninë të largohet nga zhgënjimi që Moska e lejoi Azerbajxhanin të rimarrë rajonin e diskutuar prej kohësh të Nagorni-Karabahut në vitin 2023.

Rusia refuzoi të ndërhynte në anën e Jerevanit. Pas viteve të konfliktit, popullsia armene u largua nga rajoni në shtator 2023, nga frika e hakmarrjeve.

Putin tha se Rusia do të ishte e lumtur të ndihmonte në arritjen e paqes midis Jerevanit dhe Bakut. //a.i/