BE dënon dhunën në protestë: S’ka vend në demokraci! Dialogu e vetmja rrugë! Reagimi i BE s’përmend fjalën “student”

Në një tjetër reagim lidhur me zhvillimet në Tiranë, delegacioni thekson se dialogu konstruktiv mes të gjitha palëve është e vetmja rrugë përpara për të adresuar shqetësimet legjitime.

Vlen të theksohet se edhe në këtë reagim, delegacioni I Bashkimit Europian në Tiranë, nuk e përmend fjalën ‘student’.

“Dënojmë me forcë përshkallëzimin e dhunës gjatë protestës dhe shkatërrimin e pronës publike dhe private. U bëjmë thirrje protestuesve të tregojnë vetëpërmbajtje dhe të shmangin çdo akt dhune.
Dhuna nuk ka vend në demokraci. Liria e tubimit dhe e shprehjes janë të drejta themelore dhe vlera thelbësore evropiane. Ato duhet të respektohen dhe të ushtrohen në mënyrë paqësore.

Dialogu konstruktiv mes të gjitha palëve është e vetmja rrugë përpara për të adresuar shqetësimet legjitime”, thuhet në reagim.

Një ditë më parë protestuesit dogjën flamurin europian, ndërsa dogjën edhe zyrën e Kolegjit të Europës në Tiranë.