BE miraton 21 milionë euro për FA, Nufi: Vlerësim për rolin Shqipërisë krah aleatëve
TIRANË, 22 maj/ATSH/ Këshilli i Bashkimit Evropian miratoi paketën e tretë të asistencës për Shqipërinë në kuadër të “European Peace Facility”, me vlerë 21 milionë euro, duke e çuar mbështetjen totale në 49 milionë euro.
Lajmin e bëri të ditur sot ministri i Mbrojtjes Ermal Nufi, i cili informoi se paketa përfshin mjete të blinduara të lehta, mjete taktike dhe inxhinierike, si edhe trajnim dhe mbështetje operacionale për FASh.
“Lajm i mirë nga BE! Një tjetër mbështetje e rëndësishme për Forcat e Armatosura të Shqipërisë”, u shpreh Nufi.
Ministri i Mbrojtjes u shpreh se ky është një vlerësim konkret për seriozitetin, besueshmërinë dhe rolin aktiv të Shqipërisë krah aleatëve dhe partnerëve evropianë në siguri dhe mbrojtje.
/m.m/r.e/a.f/