BEJRUT – Një seri sulmesh izraelite godasin Libanin lindor

BEJRUT, 30 tetor /ATSH-DPA/- Një seri sulmesh goditën qytetin antik të Baalbek dhe fshatrat përreth në Libanin lindor, pas një paralajmërimi për evakuim nga ushtria izraelite, thanë burimet e sigurisë.

Sulmet goditën qytetin Baalbek dhe rrethinën e tij – dhe disa zona të cilat nuk ishin përfshirë në paralajmërimin e lëshuar më parë nga Forcat e Mbrojtjes së Izraelit (IDF).

Sulmet përkuan me fjalimin e sekretarit të përgjithshëm të sapoemëruar të Hezbollahut, Naim Qassem.

“Shumica e njerëzve që jetojnë në qytetin Baalbek u larguan në panik këtë mëngjes kur ushtria izraelite lëshoi ​​paralajmërimin”, thanë burimet.//a.i/