Balluku: Brenda pak javësh loti 1 i Unazës së Madhe të Tiranës gati për qarkullimin e automjeteve

TIRANË, 17 nëntor /ATSH/ Zëvendëskryeministrja dhe njëherazi Ministrja e Infrastrukturës dhe Energjisë, Belinda Balluku, ka ndarë në rrjetet sociale pamje nga inspektimi i punimeve në lotin 1 të Unazës së Madhe të Tiranës, duke nënvizuar se ritmet intensive të punimeve po e çojnë projektin drejt përfundimit.

“Sikurse kemi premtuar, brenda pak javësh kjo vepër infrastrukturore do të hapet për qarkullimin e automjeteve, duke finalizuar kështu një ndër projektet më komplekse, por shumë të rëndësishëm e të shumëpritur, jo vetëm për kryeqytetin,” deklaroi Balluku në postimin e saj.

Në lotin 1 po punohet pa ndërprerje, ditë e natë, për të siguruar finalizimin e një nyje kyçe infrastrukturore që do të lehtësojë ndjeshëm qarkullimin dhe do të ndikojë pozitivisht në zhvillimin urban të Tiranës.

Unaza e Madhe, Loti I 1 nga 10

/a.f/