Bangladeshi regjistron gati 1,000 vdekje nga ethet tropikale

Më shumë se 1000 njerëz në Bangladesh kanë vdekur nga ethet tropikale këtë vit, tregojnë të dhënat zyrtare gati katër herë më shumë se vitin e kaluar.

Të paktën 1,017 njerëz kanë vdekur në nëntë muajt e parë të 2023 dhe afro 209,000 janë infektuar, duke e bërë shpërthimin më të keq të regjistruar në vend të sëmundjes së transmetuar nga mushkonjat që nga epidemia e parë e numëruar në vitin 2000. Midis të vdekurve janë 112 fëmijë të moshës 15 duke përfshirë foshnjat.

Spitalet në Bangladesh po përpiqen të krijojnë hapësirë ​​për pacientët pasi sëmundja përhapet me shpejtësi.

Ethja tropikale është një sëmundje endemike e zonave tropikale dhe shkakton temperaturë të lartë, dhimbje koke, nauza, dhimbje muskulore dhe në rastet më të rënda, gjakderdhje që mund të çojë në vdekje.

Organizata Botërore e Shëndetësisë (OBSH) ka paralajmëruar se ethja tropikale dhe sëmundjet e tjera të shkaktuara nga viruset që transmetohen nga mushkonjat po përhapen më shpejt për shkak të ndryshimeve klimatike.

/rtsh.al/