Banka e Shqipërisë/ Sejko guvernatori i ri?

Propozimi i Gent Sejkos nga presidenti Bujar Nishanit për guvernatorin e ri të Bankës së Shqipërisë duket se është pranuar nga kryeministri Edi Rama dhe kryeparlamentari Ilir Meta, edhe pse Partia Socialiste ka patur rezervat e veta.

Siç bën publike gazeta “Mapo”, Gent Sejko do të thërritet në Komisionin e Ekonomisë dhe do të pyetet për politikën monetare të Bankës së Shqipërisë.

Burime të gazetës bëjnë me dije se i vetmi që nuk e ka kritikuar këtë kandidaturë ka qenë kreu i Lëvizjes Socialiste për Integrim Meta, i cili ka njohje të vjetra me Sejkon, që nga koha e universitetit. Që në fillim, Meta deklaroi se ky dekret do të shqyrtohej normalisht nga Kuvendi, edhe pse deputetë të PS-së, si Erjon Braçe dhe Ervin Bushati ishin kundër kandidaturës së Sejkos.

Që nga skandali i vjedhjes së 713 milionë lekëve, Banka e Shqipërisë ka mbetur pa guvernator. Ish-guvernatori Ardian Fullani u shkarkua për abuzim me detyrën dhe është duke u ndjekur penalisht në gjendje të lirë.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu