Barça, një tjetër zhgënjim: vetëm barazim me Cadiz
Një mundësi e humbur për Barçën, e cila pas humbjes së papritur të Atletico Madrid me Levante, nuk shkoi përtej barazimit 1-1 me Cadiz. Blaugrana, nëse do të kishte fituar, do të ishte kthyer në -6 nga Colchoneros, madje edhe në -3, në rast të fitores në rikuperimin me Elche javën e ardhshme, por pasi kishin avancuar në pjesën e parë me një penallti nga Messi, ata humbën një morie rastesh për dyfishimin, për tu kapur në finale nga një tjetër penallti, shënuar nga Alex. Zhgënjim i ri për djemtë e Koeman, të cilët mbyllin javën e zymtë që filloi me katër shuplakat e marra në Champions League nga Paris Saint Germain.
Ndeshja mes Barcelonës dhe Cadiz, duke lënë mënjanë rezultatin, shënoi një hap tjetër në historinë e Blaugrana nga Lionel Messi. Argjentinasi, duke arritur në 506, bëhet në fakt lojtari me më shumë ndeshje të luajtura në La Liga me fanellën e skuadrës katalanase.