Barcelona nuk federon dot Dani Olmon

Tre ditë më parë, Barcelona zyrtarizoi blerjen e Dani Olmos nga Leipzig për një shifër afër 60 milionë euro.

Një përforcim i rëndësishëm për skuadrën e Hansi Flick, që deri më tani kishte nënshkruar vetëm me të riun Pau Victor: një lojtar që fitoi kampionatin evropian si protagonist dhe që ka bërë mirë në Bundesligë sezonet e fundit, mbërrin në dhomën e zhveshjes së Barçës.  Një djalë i rritur në Masia dhe e njeh mirë mjedisin Blaugrana.

Siç raporton Cadena SER,  klubi katalanas nuk mund të federojë ende Olmon në LaLiga. Aktualisht, Barça nuk do të respektonte parametrat e Fair Play-it financiar të imponuara nga Javier Tebas; për këtë arsye, nëse në të ardhmen e afërt nuk ka lëvizje të largimit ose marrëveshje sponsorizimi, ekziston rreziku që Olmo të mos mund të luajë në kampionat.

Një situatë e vështirë dhe si zakonisht paradoksale, veçanërisht sepse Laporta dhe Deco po punojnë për të siguruar përforcime të mëtejshme për ekipin. Shitjet e lojtarëve si Vitor Roque dhe Frenkie de Jong – të cilët kanë vlerë të mirë në treg – mund të ndihmojnë, por për momentin optimizmi po ndihet nëpër klub.