Basha- Adlesiç: Pakt për emergjencat

Tiranë, 23 shkurt, NOA Ministria e Brendshme shqiptare nënshkroi sot një memorandum mirëkuptimi mes Shqipërisë dhe Kroacisë për bashkëpunim në fushën e mbrojtjes nga fatkeqësitë natyrore dhe ato teknologjike.Marrëveshja u firmos nga Drejtori i Përgjithshëm i Emergjencave Civile Alfred Olli dhe Drejtori i Drejtorisë Kombëtare të Mbrojtjes dhe Shpëtimit të Kroacisë Damir Trut.

Të pranishëm në këtë firmosjen e këtij pati kanë qenë dhe ministri i Brendshëm, Lulzim Basha dhe Zëvendëskryeministres së Kroacisë Durda Adlesiç.

Ministri Basha dhe Zv. kryeministrja kroate Adlesiç deklaruan gatishmërinë për zbatimin e plotë të këtij memorandumi që parashikon ndihmën e ndërsjellët në kapërcimin ose zbutjen e fatkeqësive natyrore, shkëmbimin e informacionit, të përvojës dhe trajnimin e efektivave të strukturave homologe të emergjencave civile shqiptare e kroate.

Ne mbështesim nismën kroate për krijimin në Split të Kroacisë të Qendrës Rajonale të Përgatitjes dhe të Zhvillimit të Operacioneve ndaj zjarreve në pyje dhe më gjerë, u shpreh ministri Basha.

Adlesiç, në fjalën e saj, solli në vëmendje rritjen e bashkëpunimit mes të dy vendeve në të gjithë fushat e sigurisë, duke përfshirë edhe angazhimet në kuadër të NATO-s. Ajo gjithashtu falënderoi ministrin Basha për përkrahjen e nismës për krijimin në Kroaci, të Qendrës Rajonale Operacionale kundër zjarreve.

Ministri Basha shprehu falënderimin për ndihmën e dhënë nga Kroacia gjatë situatës së shkaktuar nga përmbytjet natyrore në muajin Janar në Qarkun e Shkodrës dhe Qarkun e Lezhës.

m.xh/NOA