Bashkia e Tiranës: Ja studimi për terminalin e ri të pasagjerëve në kryeqytet

Bashkia e Tiranës bëri të ditur se kompania italiane Ital- Ferr, ka dorëzuar studimin e fizibilitetit dhe termat e referencës për koncesionin e terminalit të ri të pasagjerëve në Tiranë.

Struktura e terminalit do jetë rreth 80 mijë metër katror dhe do të ndërtohet në afërsi të kthesës së Kamzës.

Terminali parashikon linjë për parkim autobusësh e mikrobusësh, linjë hekurudhore për trenat, si dhe linjën e tramvajit.

Bashkia bën me dije se kosto e projekti është 25 milion euro. Terminali do jepet me koncesion sipas procedurave të prokurimit të BERZH.

Vendet e parkimeve të autobusëve, mikrobusëve, taksive dhe automjeteve private, për fazën e parë janë:

-autobusë të linjave ndërkombëtare        34

-autobusë të linjave ndërqytetës               57

-autobusë të linjave urbane                         15

-mikrobusë                                                          48

-parkim autobusësh                                        26

-taksi                                                                      20

-parkim i automjeteve private                    100

Nga ky terminal parashikohet të nisen dhe mbërrijnë në ditë:

-automjete                                               10 000

-mikrobusë                                              700

-autobusë                                                 900

-autobusë ndërkombëtarë                100

-autobusë urbanë                                 180