Beci dëgjesa mbi propozimet për rregulloren e emrave dhe monumenteve në qytet

TIRANË, 4 mars/ATSH/ Kryetari i bashkisë së Shkodrës, Benet Beci ka pritur sot në një takim kryetarin e Shoqatës Atdhetare “Dukagjini”, Ndue Sanaj.

Beci dhe nënkryetarja e bashkisë, Teuta Qyteza kanë diskutuar gjatë takimit mbi rregulloren e miratuar një ditë më parë nga Këshilli i Bashkisë Shkodër lidhur me vendosjen e emrave të rrugëve dhe monumenteve në qytet.

“Biseduam mbi kërkesat e shoqatës dhe gjetëm mirëkuptim me drejtuesin e saj për propozimet që do t’i paraqiten Bashkisë Shkodër. Një komision i posaçëm do të vlerësojë, në përputhje me rregulloren, të gjitha propozimet që kjo shoqatë do të dorëzojë pranë Bashkisë Shkodër.

Miratimi i rregullores i hap rrugë shqyrtimit të këtyre propozimeve dhe krijimit të një sistemi të mirorganizuar për monumentet dhe bustet në territorin e Bashkisë Shkodër”, shprehet Beci në një postim në rrjetet sociale.

1 nga 5

/a.f/r.e/