Berisha Rama bllokoi integrimin

Kryeministri Sali Berisha akuzoi kryetarin socialist Edi Rama se bllokoi miratimin e ligjeve të kërkuara nga Komisioni Evropian.

"Shpreh keqardhjen për vendimin e kreut të opozitës. KE kishte kërkuar që tre ligjet të miratoheshin në Kuvend brenda 20 nëntorit. Rama bllokoi integrimin, duke nxjerrë si pretekst një çështje lokale", tha Berisha.

Duke folur në mbledhje qeverie, Berisha theksoi se çështja e qarkut të Fierit nuk ka lidhje me integrimin e vendit.