Berisha: Reformat e qeverisë, histori suksesi - 23 qershori do t’i japë fitoren PD-së

Kryeministi Berisha vijon turin e bashkëbisedimit me qytetarë dhe fermerë të Lushnjes

Kryeministri Sali Berisha ka vijuar sot turin e bashkëbisedimeve, me qytetarë dhe fermërë të Lushnjës. Në sallën e pallatit të Kulturës të mbushur plot me njerëz kryeministri iu është përgjigjur çdo pyetjeje të tyre. Duke pranur gabimet, ai ka theksuar se prirja e tij është që t’i korrigjojë ato, duke dëgjuar zërin e tyre. “Nga dita që nisa këto takime të kësaj natyre deri më 23 qershor do të jeni kryeministri im”- tha ai. Në nisje të fjalës së tij Berisha ka përmenduar reformat e arritura nga qeveria e tij, të cilat përbëjnë histori suksesi, por informoi se ka projekt të shkëlqyer, i cili do marrë jetë pas pasqyrimit të ideve të qytetarëve. I pyetur në lidhje me datën e Kongresit të Lushnjës, e cila ende nuk është shpallur festë kombëtare, Berisha u shpreh se do e shqyrtojë këtë propozim të qytetarëve. “Ditët e pushimit rëndojnë mjaft sipërmarrjen private, se ne kemi plot ditë pushimi. Do e shyrtojmë me shumë vëmendje, sepse ngjarja ashtu siç thatë ju është absolutisht mkreullia shqiptare. Kongresi i Lushnjës është de facto jetësimi i pavarësisë së shqiptarëve, themelimi jo vetëm i pluralizimit, por i tërë sistemit demokratik modern i Shqipërisë”- deklaroi Berisha.

Përfitimet nga heqja e TVSH-së

Vëmendje kryesore do t’i kushtohet mbrojtjes nga importi të prodhimit vendas kur është në pikun e tij. Është mirëpritur nga fermerët heqja e TVSH. Në këtë bashkëbisedim patën rastin të dinë më shumë se çfarë po përfitojnë. “Nuk janë vetëm makineritë, por tvsh do të hiqet për cdo lloj importi bujqësor dhe blegtoral që ekziston. Mendojmë se do veprojmë drejt të bëjmë gjithcka për të rritur prodhimin e punësimin. Me ketë mund të nxisim rritjen ekonomike. Suksesi i të parave ishte spektakolar këto do t’i japin përsëri rritje ekonomike. Tvsh e grandeve do e diskutojmë me financat. Po të ishte statusi i vendit kandidat cdo shqiptar do të kishte vetëm nga komisioni 80 mijë euro për frymë, bujqësia do përfitonte shumë nga këto fonde”- tha kreu i qeverisë. Lehtësitë fiskale janë njëra anë, por ajo që i mungon bujqësisë është një sistem i mirë vaditjeje. Pas dy mandatesh rrugët nuk do të jenë më në krye të listës së investimeve. Në shëndetësi tha se progresi është i dukshëm. Pat vënë bast para katër vitesh për të. Filozofia e viteve që vijnë qëndron tek menaxhimi dhe skema e kontributit shëndetësor.

Akuzat e opozitës

Kanë dëgjuar pareshtur akuza për korrupsion ndaj kryeministrit. Është momenti për ta pyetur vetë. “Opozita sulmon dhe është në tagrin e saj të sulmojë, por tani do them një gjë, meqë jam para qytetarëve, sulmet i konsideroj të pandjeshme ndaj meje. Sekreti i jetëgjatësisë sime politike qëndron në një fakt para së gjithash. E kam nisur karrierën time me një apartament me 83 m2, tani jetoj në një apartament të dytë me 125 m2. Dhe kurrë poqese do ndiqja rrugën e parave do kishe ndjekur rrugën e të tjerëve, do hapja klinikë private si doktor e të tjera me radhë. Unë kam bërë një zgjedhje dhe do i qëndroj kësaj zgjedhjeje”.

23 qershori, dita e fitores së madhe

Ka edhe pakënaqësi në radhët e tyre, por të padëmshme për 23 qershorin, mjafton të dinë të kërkojnë atë që duan. “Do ta marrim dhe një herë mandatin dhe kjo është e vërtetë. Ka shumë të pakënaqur, por ardhja juaj sot i bashkoi demokratët. Jam i bindur se 23 Qershori do ia japë fitoren PD-së në Lushnje, por kjo arrihet që simpatizantët të trokasin njerëzisht ne cdo zemër e në cdo derë, jo me salltanete, por me mirëkuptim, të dëgjojnë zërin e cdo qytetari. Dhe një gjë të keni, ne mbajmë premtimet”.