Berisha: Reforme ne hipoteka dhe agjencine e pronave

Hipotekat dhe pronat ishin dje ne qender te kritikave te Kryeministrit Sali Berisha gjate mbledhjes se qeverise. Berisha pranoi se ne keto dy sektore ka probleme dhe kerkoi ne menyre urgjente marrjen e masave.

Duke cituar raportin e fundit te Komisionit Europian per Shqiperine, kreu i ekzekutivit theksoi se, “dua te permend problemet madhore qe kemi me Hipotekat dhe komisionet e kthimit te pronave. Zoti minister, cilido qe te jete çmimi i dixhitalizmit, ne do ta realizojme ate ne kohe rekord dhe do te perdorim çdo metode, e cila e ben ate veprimtari transparente dhe parandalon presionin e tmerrshem te seksereve, falsifikatoreve dhe ryshfetmarresve”.

Megjithese eshte ende e paqarte menyra sesi Ministria e Drejtesise do te hartoje projektin per te futur dixhitalizimin ne keto dy sektore problematik, kryeministri nuk ka nguruar te beje publik planin e tij per te shmangur presionin qe investitoreve te huaj u behet nepermjet seksereve me hipotekat dhe pronat.

“Ne kemi krijuar nje tradite te shkelqyer ne prokurimet elektronike. Ne do te perdorim format me eficiente, me transparente ne koncesione”, tha Berisha.