Berisha thirrje: Nesër sërish në shesh për të shpëtuar vendin nga narkoshteti

Kryetari i Partisë Demokratike, Sali Berisha, ka bërë thirrje për mbështetjen e protestuesve të rinj, duke iu drejtuar prindërve, gjyshërve dhe qytetarëve që të ngrihen në krah të tyre.

Në konferencën për mediat nga selia blu, Berisha e cilësoi kauzën e të rinjve si atdhetare, ndërsa kërkoi nga Prokuroria të hetojë plagosjet e ndodhura gjatë protestave në Tiranë.

“Ky proces ka filluar. Dhe unë prapë sot i bëj thirrje Prokurorisë të bëjë detyrën”, u shpreh Berisha.