Biden thirrje Senatit: Të votohet menjëherë paketa e miratuar për Ukrainën dhe Izraelin
Në një deklaratë, Presidenti Joe Biden tha: “Sot, anëtarët e të dy partive në Dhomën e Përfaqësuesve votuan për të çuar përpara interesat tona të sigurisë kombëtare dhe për të dërguar një mesazh të qartë për fuqinë e lidershipit amerikan në skenën botërore.
“Në këtë pikë kthese kritike, ata u mblodhën për t’iu përgjigjur thirrjes së historisë, duke miratuar legjislacionin e nevojshëm urgjent të sigurisë kombëtare për të cilin kam luftuar për muaj të tërë për ta siguruar”.
Më tej në deklaratë thuhet se “kjo paketë do të ofrojë mbështetje kritike për Izraelin dhe Ukrainën; të sigurojë ndihmën e nevojshme humanitare për Gazën, Sudanin, Haitin dhe vende të tjera të prekura nga konfliktet dhe fatkeqësitë natyrore në mbarë botën; dhe të forcojë sigurinë dhe stabilitetin në Indo-Paqësorin”.
“Vjen në një moment urgjence të madhe, me Izraelin që po përballet me sulme të paprecedentë nga Irani dhe Ukraina nën bombardimet e vazhdueshme nga Rusia. Dua të falënderoj kryeparlamentarin Johnson, udhëheqësin Jeffries dhe koalicionin dypartiak të ligjvënësve në Dhomën e Përfaqësuesve që votuan për të vënë në vend të parë sigurinë tonë kombëtare.
“I bëj thirrje Senatit që ta dërgojë shpejt këtë paketë në tryezën time në mënyrë që unë ta nënshkruaj atë në ligj dhe ne të mund të dërgojmë shpejt armë dhe pajisje në Ukrainë për të përmbushur nevojat e tyre urgjente në fushën e betejës.”
/rtsh.al/