Bin Laden i trazuar drejt fundit te jetes
Dokumentet e reja, të shkruara nga vetë Osama Bin Laden tregojnë se lideri i al-Kaedës e kishte të pamundur të kontrollonte apo besonte strukturën që ai vetë krijoi, drejt fundit të jetës së tij.
Një përzgjedhje dokumentash të sekuestruar gjatë sulmit të një njësie elite e marinës në banesën e Bin Ladenit në Pakistan, një vit më parë, u bënë publike ditën e enjte nga Ushtria Amerikane. Dokumentat u postuan në faqen e internetit të Akademisë Ushtarake të Luftës kundër terrorizmit.
Midis pakënaqësive më të mëdha të Bin Ladenin, që mbeti i vrarë në sulmin gjatë së cilit u sekuestruan mbi 6 mijë dokumente, 17 prej të cilëve të publikuar në vëllimin 175 faqesh, ishte shënjestrimi i muslimanëve të tjerë nga vetë anëtarët e grupit.
Në disa letra, “arkitekti” i sulmeve të 11 shtatorit i kërkonte idhtarëve të tij që të përqendroheshin tek lufta e shenjtë ndaj SHBA-së, ndërsa nga ato që thotë Bin Laden, vërehet një marrëdhënie tejet problematike e Al-Kaedës me Pakistanin dhe Iranin.
Në një letër, Osama shprehte pakënaqësinë e tij që Teherani nuk përfshihej në negociata për lirimin e disa anëtarëve të familjes së tij, pavarësisht presioneve që i ushtroheshin nga organizata terroriste.
Rreth Pakistanit, në një letër i bëhej një referim “vëllezërve të besuar pakistanezë”, por Bin Laden shprehte hapur frikën e tij nga mundësia e infiltrimit të radhëve të al-Kaedës nga shërbimet “e frikshme” sekrete të këtij vendi.
Në disa letra të shkruara nga vetë dora e Bin Laden, vlerësohet se sulmi ndaj SHBA do të sillte si përfundim dobësimin e armiqve të tjerë: “Ndonëse kemi shansin që të sulmojmë Britaninë, nuk duhet të harxhojmë kohën me sulme të tilla, pasi duke u përqëndruar në luftën me Amerikën, duke e mposhtur atë, do të mund të mposhtim edhe armiqtë e tjerë”.
Në një tjetër dokument, kreu i al-Kaedës pranonte ekzistencën e gabimeve gjatë periudhës së drejtimit të tij dhe kërkonte që “2010 të shënonte fillimin e një faze të re në historinë e organizatës. Duke bërë këtë, me ndihmën e Allahut, do të mund të fitojmë edhe besimin e atyre segmenteve që kanë humbur besimin tek lufta e shenjtë”.
Në fund, interesante edhe pikëpamja e Bin Laden se aleanca me organizatat islamike terroriste në Afrikë, si al-Shabab apo Boko Harram do të ndihmonte pak al-Kaedën në misionin e saj, si dhe vlerësimi për “Pranverën Arabe”.
Përpara vdekjes, në një letër, Bin Ladeni shkruante gjithashtu se i druhej shpërbërjes së al-Kaedës në grupe më të vogla pas vdekjes së tij, diçka që sipas ekspertëve, në të vërtetë është duke ndodhur.
Një përzgjedhje dokumentash të sekuestruar gjatë sulmit të një njësie elite e marinës në banesën e Bin Ladenit në Pakistan, një vit më parë, u bënë publike ditën e enjte nga Ushtria Amerikane. Dokumentat u postuan në faqen e internetit të Akademisë Ushtarake të Luftës kundër terrorizmit.
Midis pakënaqësive më të mëdha të Bin Ladenin, që mbeti i vrarë në sulmin gjatë së cilit u sekuestruan mbi 6 mijë dokumente, 17 prej të cilëve të publikuar në vëllimin 175 faqesh, ishte shënjestrimi i muslimanëve të tjerë nga vetë anëtarët e grupit.
Në disa letra, “arkitekti” i sulmeve të 11 shtatorit i kërkonte idhtarëve të tij që të përqendroheshin tek lufta e shenjtë ndaj SHBA-së, ndërsa nga ato që thotë Bin Laden, vërehet një marrëdhënie tejet problematike e Al-Kaedës me Pakistanin dhe Iranin.
Në një letër, Osama shprehte pakënaqësinë e tij që Teherani nuk përfshihej në negociata për lirimin e disa anëtarëve të familjes së tij, pavarësisht presioneve që i ushtroheshin nga organizata terroriste.
Rreth Pakistanit, në një letër i bëhej një referim “vëllezërve të besuar pakistanezë”, por Bin Laden shprehte hapur frikën e tij nga mundësia e infiltrimit të radhëve të al-Kaedës nga shërbimet “e frikshme” sekrete të këtij vendi.
Në disa letra të shkruara nga vetë dora e Bin Laden, vlerësohet se sulmi ndaj SHBA do të sillte si përfundim dobësimin e armiqve të tjerë: “Ndonëse kemi shansin që të sulmojmë Britaninë, nuk duhet të harxhojmë kohën me sulme të tilla, pasi duke u përqëndruar në luftën me Amerikën, duke e mposhtur atë, do të mund të mposhtim edhe armiqtë e tjerë”.
Në një tjetër dokument, kreu i al-Kaedës pranonte ekzistencën e gabimeve gjatë periudhës së drejtimit të tij dhe kërkonte që “2010 të shënonte fillimin e një faze të re në historinë e organizatës. Duke bërë këtë, me ndihmën e Allahut, do të mund të fitojmë edhe besimin e atyre segmenteve që kanë humbur besimin tek lufta e shenjtë”.
Në fund, interesante edhe pikëpamja e Bin Laden se aleanca me organizatat islamike terroriste në Afrikë, si al-Shabab apo Boko Harram do të ndihmonte pak al-Kaedën në misionin e saj, si dhe vlerësimi për “Pranverën Arabe”.
Përpara vdekjes, në një letër, Bin Ladeni shkruante gjithashtu se i druhej shpërbërjes së al-Kaedës në grupe më të vogla pas vdekjes së tij, diçka që sipas ekspertëve, në të vërtetë është duke ndodhur.