Bllokohet Gjirokaster-Tepelene rreshqitje dheu

Gjatë mesnatës, mes të enjtes dhe të premtes, është bllokuar aksi rrugor Gjirokastër-Tepelenë prej rrëshqitjes së një masivi të madh dheu, nga faqja e një kodre anës rrugës nacionale.

Ky aks vijon të jetë i bllokuar prej 1 ore. Policia nuk lejon kalimin e automjeteve, pasi rrezikon të rrëshqasë e gjithë faqja e kodrës. Pritet nga momenti në moment ndërhyrja e një fadrome, për të bërë të mundur kalimin e sigurt.

Bllokimi i këtij aksi rrugor ka krijuar radhë të gjata të mjeteve të ndryshme, që përdorin këtë aks të Shqipërisë jugore për të lëvizur.