Bombardime të ashpra në Gaza, forcat izraelite vrasin 28 palestinezë dhe dy liderë të Xhihadit Islamik

Izraeli dhe Gaza vazhdojnë bombardimet e ashpra dhe nga një sulm i fundit mësohet se 28 palestinezë kanë mbetur të vrarë dhe 80 të tjerë janë plagosur. Mediat ndërkombëtare raportojnë se në mesin e viktimave ka patur edhe liderë të lëvizjes palestineze të Xhihadit Islamik.

Bëhet fjalë për Ali Gahli, kreu i forcës raketore të Xhihadit Islamik dhe Ahmet Abu Daqqa, një komandant i lartë i forcave të armatosura. Ekzekutimi i tyre e çon në pesë numrin e figurave të larta nga të vrarët, qëkur Izraeli filloi offensive ushtarake mbi Gazën ditën e martë.

Ndërkohë, mbi 500 raketa janë lëshuar nga grupet e rezistencës palestineze, në shenjë hakmarrje ndaj sulmeve izraelite gjatë natës. Por, shumica e këtyre raketave janë shpërthyer në ajër nga sistemi anti-raketor izraelit.

Palestina i ka kërkuar forcave izraelite që t’i jepet fund bllokadës 16-vjeçare ajrore, tokësore dhe detare. Sot shënohet dita e tretë e ofensivës ushtarake izraelite ndaj Gazës.

Sondazh

A e mbështesni protestën siç është zhvilluar dy ditët e fundit nën emrin e studentëve?

•                                                                         Po
  

  •                                                                     Jo
    

    •                                                                 Nuk e di
      

Lexo gjithashtu