Broja është gati për një aventurë të re, çështje orësh zyrtarizimi te Burnley

Sulmuesi shqiptar i Chelsea-t, Armando Broja, pritet të përfundojë transferimin e tij te Burnley brenda 24 orëve të ardhshme.

23-vjeçari ka marrë disa ditë kohë për të peshuar transferimin dhe për të negociuar kushtet e kontratës së tij, pasi një marrëveshje mes klubeve, që mendohet se vlen deri në 20 milionë stërlina, u arrit gjatë fundjavës.

Broja është i entuziazmuar për një largim të përhershëm nga Stamford Bridge dhe dëshiron të luajë rregullisht në skuadrën e tij të re.

Do të jetë blerja e tretë e Burnley nga Chelsea këtë verë. Mesfushori Lesley Ugochukwu iu bashkua këtë javë dhe një transferim huazimi për Bashir Humphreys u bë i përhershëm për një shumë të kombinuar prej 55 milionë stërlinash.